Ортамызда жүрген қарияларымыздың бір кезде елі, халқы, келешек ұрпағы үшін жасаған игі істері ерекше орын алады. Қазіргі кезде біздің мемлекетімізде қарттарға үлкен мән беріп, көңіл аударып, жан- жақты үкімет тарапынан қамқорлық жасалуда. Қазақстанның өсіп- өркендеуіне, еліміздің бейбітшілік тыныш өмір кешуіне өз үлестерін қосқан осы ардақты да аяулы қарттарымыздың арқасы деп есептеледі. 1- қазан Халықаралық Қарттар күніне орай «Шуақ» Алакөл арнаулы әлеуметтік қызмет көрсету орталығының «Қарттарым – асыл қазынам» атты іс-шара өткізілді. Орталықтың жасы үлкен қызмет алушылар мен қарттарын және кызметкерлерді директордың әлеуметтік жұмыс жөніндегі орынбасары Жанар Кабдылдаева Қарттар күнімен құттықтап жақсы тілек айтып, жылы лебізін білдірді. «Қартын сыйлаған елдің - қазынасы мол» деген ұлағатты сөз бар.Үлкендерге қызмет көрсету- халықтың мәдениеттілігін сипаттайтын негізгі белгі. Мерекеге қызмет алушылар мен қызметкерлер қатысып, тілектер мен өлендер айтылып, іс-шара жақсы көңіл күйде өткізілді. Сонымен қатар, жеке күтімді қажет ететін қызмет алушы Д. Чернецкийге іште және сыртта қолданатын мүгедектерге арналатын арбалар сыйланды. Іс – шарада әлеуметтік қашықтықты және барлық карантиндік ережелері сақталынды. Өткізілген іс- шара орталықтың қарт қызмет алушылары мен қызметкерлерге өте жақсы көңіл–күй сыйлады.
{gallery}/partner/1{/gallery}
